Labi-Sagaale CIP Summary

Hiigsiga Bulshada (Community Vision)

Filashada Guud Ee Bulshada: In ay noqdaan bulsho ku sugan barwaaqo waarta, taas oo hesha biyo nadiifa sanadka oo dhan, daryeel caafimaad oo dhamaystiran, habab waxbarasho oo hagaagsan, ilo dekhli oo kala duwan, iyadoo ay ka qayb qaadanayaan dadka nugul ee deegaanka ku nool. Sidoo kalana la soo bandhigo mushkiladaha ilaalinta deegaanka haysta korna loo qaado dhaqashada xoolaha iyo waxbeerista.

 Haweenka; inay helaan daryeel caafimaad, umulisooyin si fiican u tabobaran, biyaha oo guryahooda loogu soo xidhiidhiyo, in loo horumariyo fayodhawrka nadaafadda, inay biyo u helaan beeraha iyo xoolaha iyo inay ay haweenka tuuladda ee xirfadda iyo tabobarka leh jaaniskooda shaqo helista la kordhiyo.

     Haweenka da’da Yar: inay helaan dugsiyo sare oo qalabaysan, kobcinta xirfadaha, xoojinta     dhaqaalaha iyo daryeelka caafimaadka sida umulisooyin si cilmiyeysan u tabobaran.

Dhalinyarta (Ragga); horumarinta dhalinyarada iyadoo loo marayo dhisida xirfaddaha, helitaanka waxyaabaha ciyaaraha fududeeya, si kor loogu qaado hab nololeed caafimaad leh, iyo horumarinta bulshada. 

Dadka laga tirada badan yahay; helitaanka deeqaha ganacsiga iyo fursadaha horumarinta xirfadaha si kor loogu qaado hab-nololeedkooda oo ay gacan ka geystaan horumarinta bulshada.

Dadka Naafada ah: inay helaan daryeel caafimaad oo wanaagsan iyo taageero gaar ah oo ku habboon baahiyahooda, lana sameeyo wacyigelin bulshada lagu fahansiinayo in laga qayb galinta arimaha bulshada ,iyadoo la siinayo taageero ku filan.

Baahiyaha Ugu Mudan (Community Priorities)

Maamulka ilaha biyaha (Management of water sources)

• In biyo la helo sanadka oo dhan iyadoo loo samaynayo dhaamka bacda biyaha haysa.
• In la helo biyo cabitaan iyadoo la dhisayo haanta(taangi) biyaha ee saraysa.
• Si loo kordhiyo awooda kaydinta dhaamka iyo nadaafadda waxa loo samayn caro reeb.
• Si loo horumariyo nidaamka maaraynta biyaha waxa kor loo qaadi tayada guddiga maamulka biyaha.

Xoolaha iyo Beeraha (Livestock & Agriculture)

Xoolaha (Livestock)

• Kordhinta hilibka iyo caanaha iyadoo la horumarinayo hidde-raacaha lana taageerayo taranka xoolaha, si fiicana loogu helo xanaanayn iyo caafimaad xoolaha.
• Samaynta meelo lagu xanaaneeyo digaaga.
• In la helo tabobaro iyo taageero  lagu kobcinayo  dhaqashada shinnida si malab looga helo.
• In awood fiican  loo helo suuqyada..

Beeraha (Agriculture)

• Kordhinta wax-soosaarka dalaga yar-yar (khudradda) si loo horumariyo dekhliga qoyska.
• Helitaanka iniinta fiican dalaga yar-yar
• Tabobaro ku saabsan guud ahaan beeraha, gaar ahaana ka hortaga cayayaanka iyo cudurrada.
• Awood u yeelashada adeegyada fidinta.

Deegaanka (Environment)

• Talaabooyin biyaha lagaga  ilaalinayo carada  oo la sameeyo
• U hawlgalka Ilaalinta kaynta iyadoo dhirta la beerayo.
• Shaqo abuur loo sameeyo qoysaska ku tiirsan kaynta.